出咗咁耐艇, 第一次扯魚扯到手軟, 釣魚釣到中午飯都唔得閒食.
石狗公, 石釘, 釘公, 沙鱲, 瓜衫, 石䱛, 沙鑽, 雞泡, 池仔, 海狼, 乜鬼都有, 雖然釣嘅只係魚仔, 但真係過足手癮. 特別係雞蛋䱛, 由中鈎到上水前一刻佢都不斷標水片水, 雖然我係第一次釣, 但嗰種手感真係一試難忘.
由於D魚非常肯開口, 全日魚獲超過七八十斤, 五個箱全部爆滿, 大家滿載而歸.
由於上魚片段太多, 所以分成上下集剪接.
上集係12點前嘅魚獲, 下集係下半日嘅成績. 中午過後遇到大量池仔同雞蛋或, 大家都密密手兩條三條咁上, 第一次釣魚釣得咁開心.
下集由於時間關係, 放假先有時間剪, 請大家耐心等候吧 :)
